طريقه عمل الكشري المصري

الكشري المصري بأسهل واروع طريقه والطعم مظبوط

المقادير :-

• 1/4 كيلو عدس اسمر (عدس بجبه )
• 1/4 كيلو حمص الشام منقوع 
• 1 كوب ونصف ارز مصري
• 1 كوب شعريه
• 3 كوب مكرونه مرمريه 
• زيت

للصلصه

• 1/2 كيلو طماطم معصوره 
• توم مفروم
• معلقتين خل
• كمون 

3 حبات بصل كبار مقطعين شرائح ( لعمة البصل المقلي)

للدقه

• توم مفروم
• كمون
• كاري ربع  معلقه
• عصير ليمون
• ربع كوب خل
• شطه (اختياري )

الشطه زيت

• زيت
• نص كوب  صلصه
• 2 معلقه شطه

الطريقه :-

*هنسلق العدس نص سوا ونسيبه بميته
*هنحمر البصل المقطع شرائح في الزيت مع رشه ملح
ونفضل نقلب فيه لحد مالونه يصفر نبدا نشيله ونطلعه علي ورق مطبخ...
*في حله عالنار هنسلق الحمص في ميه مغليه ممكن نسلقه من غير حاجه خالص وممكن نعمله حمص الشام يبقي نحط الحمص في  ميه مغليه ونضرب في الخلاط بصله مع 5 فصوص توم مع 2 طماطم مع نص معلقه صغيره كمون....ونصب الخليط ده عالحمص في الحله ونسيبه لحد ما يستوي....
*نبدأ بقي نحمر الشعريه في الزيت اللي حمرنا البصل فيه وصفناه منه و اول ماتحمر هننزل بالرز المغسول وعليهم العدس ونحط مقدار الميه المظبوط اللي احنا عارفينه زي ما بنيحي نعمل الرز العادي بتاعنا  ونحط الملح بتاعنا حسب الرغبه والفلفل الاسمر ربع معلقه والكمون نص معلقه ونسيبه لحد ما  يتشرب الميه بتاعته ونغطي الحله ونوطي خااالص لحد  ما يستوي
الكشري بتاعنا ....

الصلصه......
في حله عالنار هنحط زيت والتوم المفروم وربع معلقه كمون وربع معلقه كسبره ونقلبهم لحد ما التوم يصفر ننزل بمعلقتين خل وعليهم عصير الطماطم ونسيبهم لحد ما القوام بتاع الصلصه يبقي مظبووط

الدقه........
في حله عالنار هننزل بالتوم والكمون والكركم نقلبهم تقليبه واحده وننزل بالخل وكوبايه ميه وعصير الليمون ونسيبهم ياخدو غلوه عالنار

الشطه زيت....

في حله عالنار نقدح الزيت كويس اوي وننزل بالشطه وعليها نص كوبايه من صلصله الكشري ونقلبها بسرعه ونطفي وخلي بالك علشان الشطه ماتتحرقش تبقي سريعه وانتي بتعمليها
**بعد ما كل حاجه تكون استوت نبدأ بقي في غرف طبقنا....
هنحط الكشري ونحط عليه المكرونه المسلوقه ونحط الصلصه وعليهم الحمص وعليهم البصل المحمر
في اطباق صغيره هنغرف الحمص والدقه والصلصه والشطه .......
...........
اقتراح للتقديم ....&&&&

ممكن تقدمي مع الكشري شرايح خبز شامي مقليه .....