اعرفي ازاي تتعاملي مع طفلك عند ظهور حموالنيل بجسمه
الجو النار 💥والرطب ده سبب لأطفال كتير اليومين اللي فاتوا حمو نيل وطفح جلدي ، وحتي للكبار 👪
👈اللي بيحصل ان فيه عرق زيادة نتيجة الحرارة ومبيخرجش بسهولة من قنوات العرق عند الرضع والأطفال لانها لسة بتتكون و مش متطورة زي الكبار ( ومع ذلك ممكن يحصل للكبار نتيجة انسداد قنوات العرق ) .
👈دا بيسبب طفح جلدي زي اللي في الصور وكمان احساس بالهرش او شوك والم وعدم راحة خاصة للرضع واحيانا التهاب وصديد في بعض الحالات .
طيب نعالج ازاي :
✌ الموضوع مسألة وقت وبيخف والوقاية خير من العلاج :
👈سواء عنده حمو النيل او لا لازم جسم الطفل او الشخص بصفة عامة في الجو ده ميتعرضش لحرارة الشمس مباشرة وكمان لازم تهوية البيت بالمراوح والتكييف .
👈لبس القطنيات ويكون اللبس واسع وفضفاض عشان يسمح للبشرة انها تتنفس ، بلاش اللبس الضيق واللي فيه بوليستر لانه بيكتم البشرة .
👈ناخد بالنا من الحفاض ومنسيبوش فترة كبيرة علي البشرة ولازم فترات تهوية تسمح للبشرة انها تتنفس .
👈الصابون فيه خلاف علمي ؛ انا بفضل استخدام صابون جليسرين .او بيودرما اتودرم مع الاستحمام بماء فاتر اقرب للبرودة .
👈احيانا نوصف ملطف للبشرة زي كالاميل ( الارخص ) او برينجو او كير باي كير او سوريو لوسيون ويترج قبل الاستخدام وبيدهن مش بيتشرب (ناخد بالنا ) بيلطف البشرة وبيخفف التهيج مسموح بعد عمر 6 شهور . ( اسال الصيدلي )
👈لو الطفل سخن ممكن ياخد باراسيتمول او بروفين حسب سنه ووزنه .( اسال الصيدلي )
👆لو الحالة شديده نراجع( الطبيب ) لانه احيانا يصف هيدروكورت كريم مع مضاد حيوي واحيانا يصف دواء مضاد للحكة مثل تلفاست شراب .
ليست هناك تعليقات