طريقه عمل سمك الباربوني

أسهل واروع طريقه لعمل سمك الباربوني المقلي .

المقادير....

• كيلو سمك باربوني
• توم مفروم
• عصير ليمون
• كرفس مفروم
• جزرمبشور
• ملح
• فلفل
• كمون
• رشه قرفه
• كسبره ناشفه
• شطه
• معلقتين خل 

الطريقه......

هنغسل السمك كويس جدا بعد تنضيفه وننقعه في ميه وخل ومعلقتين دقيق...
هنجهز التتبيله بقي علشان نتبل بيها السمك
في طبق هنحط التوم المفروم ونحط الملح والكمون والفلفل  والكسبره والقرفه والشطه والخل وعصير الليمون والكرفس والجزر المبشور ...
هنقلبهم كويس جدااااا و نتبل السمك بيهم
ملحوووظه ..
التتبيله دي طبعا تنفع مع اي نوع سمك 
بعد مانتبل السمك بالخلطه اللي عملناها هنحطه في التلاجه ونغطي الطبق ونسييهم حوالي ساعه علشان السمك يشرب من التتبيله....
نيجي بقي علشان نقلي السمك ....
التركات بتاعتي في السمك المقلي الي هتخليه لونه دهبي ومتماسك ومقرمش...
هنجيب كوبايه دقيق...عليها معلقتين كبار نشا....عليها معلقه صغيره ملح....ومعلقه صغيره كسبره...و ربع معلقه حبهان مطحون.....نخلطهم كويس جدااااا
وناخد سمكه ونحطها في خليط الدقيق نعفرها فيها كويس جداااا وعالطاااسه بقي يا حلوين دقيقتين ونقلبها ونطلعه عالمصفه علشان لو في زيت زياده يتصفي منه .....وفي طبق نقطع بقدونس و نرص السمك فيه ونحط عليه البقدونس
وبالهنا  والشفا....