اسهل تورته بدقيق الاسبونج الجاهز

اسهل واسرع تورته بدقيق الاسبونج الجاهز

المقادير....
1/2 كيلو دقيق اسبونج جاهز
1/2 كوب مياه
6 بيضات
فانيليا

1/2 معلقه صغيره محسن جيل 

1/4 كيلو كريمه خام
5 معالق سكربودره
2كوب لبن مثلج
سوداني مجروش
كريز او شكولاته للتزين
1/2 كوب سفن

الطريقه.....

في بوله هنخلط البيض والفانيليا  والمحسن الجيل بالمضرب الكهربائي  علي اعلي سرعه وهننزل بالدقيق كلو مره واحده اثناء الضرب ثم الميه هننزلها علي 3 مراحل ونستمر بالخلط لمده 10 دقايق لحد الخليط ما يهيش
وممكن علشان تتاكدي انك وصلتي للقوام المطلوب
جربي بالمضرب الكهربائي وهو مطفي اعمل رقم8 عالخليط اذا فضل زي ماهو يبقي كده تمام وخليط الك مظبوط اما اذا اختفي يبقي نكمل نضرب....
وبعد ما نجهز الخليط
هنجيب صينيه مقاس 24 مدهونه سمن ومعفرينها بالدقيق وننزل اي زياده منها
ونحط خليط الاسبونج فيها وندخلها الفرن ساخن مسبقا علي درجه حراره 180 لمده ساعه الا ربع
حتي تمام السواء
بعد ما تبرد هنبدا في تزين الكيك .....
اثناء الكيك في الفرن هنبدأ نجهز الكريمه شانتي...
في بوله هنحط الكريمه البودر والسكر بودر واللبن المثلج ونبدأ بالخفق علي اعلي سرعه لحد ما تتماسك ونحطها في التلاجه تتماسك علشن نعرف نزين بيها الكيك.......
نبدأ نقسم الكيك 3 قطع
ونسقي اول طبقهمنها بالسفن ونفدرد عليها الكريمه شانتي وهكذاااا لحد ما نخلص ال 3 طبقات
ونغلف التورته كلها بالكريمه ونبدأ بتزين الجناب بالسوداني المجروش ونعمل وردات بالقمع ونزينها بالكريز او الشكولاته
وبالهنا والشفا ...