اسهل بيتزا بعجينه ال 10 دقايق

اسهل واسرع بيتزا  بالبسطرمه بعجينه ال 10 دقايق
المقادير.....
اولا مقادير العجينه ....
للمرحله الاولي...
•2كوب دقيق..
•2 كوب مياه...
•معلقه كبيره خميره فوريه
•معلقه كبيره سكر
•رشه ملح
نخلطهم بالمضرب السلك ونغطيهم ونتركهم 10 دقايق لحد ما تخمر
المرحله الثانيه.....
3 كوب دقيق...
1/4 كوب زيت...
كيس لبن بودره...
او معلقتين كبار...
نحط المقادير كلها ماعدا الزيت هنحط نص الكميه والباقي هنلم العجينه بيه..... ونعجن العجينه لحد ماتبقي ناعمه ومش ملزقه ونلمها بالزيت لو العجينه ملزقه هنحطلها رشه دقيق نلمها بيها
ثانيا : مقادير صلصه البيتزا ....

عدد 2 فص توم مبشور ناعم
2 معلقه زيت
معلقه صغيره زعتر
ملح
ربع معلقه سكر
3 معالق صلصه جاهزه  او 3 طماطم كبار مبشورين
نشوح التوم في الزيت وننزل بالصلصه معلقتين ميه والملح والزعتر ونسيبها دقيقه عالنار مش هتاخد وقت

لوجه البيتزا...
بسطرمه ...
جبن رومي مبشور
فلفل الوان او رومي
زيتون مخلي
جبن موتزاريلا
الطريقه....
هنقسم العجين ل 4 قطع متساويه حجما
وفي صينيه مدهونه وعليها ورق زبده وممكن نستغني عنه لو مش متوافر هنحط العجينه بعد ما نكون فردناها بالنشابه ونبدا نفرد عليها الصلصه ونحط البسطرمه ونحط الفلفل والجبنه الرومي والزيتون
والجبنه الموتزاريلا وندخلها عالفرن ساخن مسبقا لمده 10 دقايق  حتي  تمام السواء 