الفطير المشلتت بطريقه سهله وبسيطه
اسهل طريقه لعمل الفطير المشلتت المورق ..
المقادير :-
- كيلو دقيق
- معلقه كبيره سكر
- رشه ملح
- مياه
- لفرد الفطير ....
- سمن
- زيت
- قشطه ...(ممكن نستعمل وش اللبن )
الطريقه :-
في بوله هنحط الدقيق وعليه السكر والملح ونقلبهم وننزل عليهم بالميه حبه حبه ونبدا نعجن لتحد مانوصل لعجينه ناعمه ومش ملزقه في ايدينا....ندهن سطح العجينه زيت ونسيبها ترتاح ساعتين
*بعد ما العجينه ترتاح نبدا في تقسيمها كور متساويه
هنقسمها 12 كوره وندهنهم بالزيييت تااااااني
*** ممكن نعملهم 2 فطيره كبار كل فطيره 6 راق وممكن نعملهم 3 فطاير وسط كل فطيره 4 راق
نيجي بقي بقي علشان نعمل الفطيره بطريقه سهله وبسيطه وتطلع مورقه كمان....
السمن والقشطه اللي في المقادير هنسيحهم عالنار بدون تسخين
هندهن الرخامه زيت وهنجيب اول كوره ونبدأ بفردها
ممكن نستعمل النشابه لتسهيل الفرد ونفردها علي قد مانقدر وندهنها بخليط السمن والقشطه ونجيب تانيكوره ونفردها عليها وندهن سمن وقشطه وهكذاااا لحد مانخلص هتلاقيها اتفردت معاكي اوووي كل ما هتزودي راق هتفرد اكتر كده العجينه مظبوطه معاكي ومرتاحه كويس هانطبقها زي مربع □ وندهن الصينيه سمن هنستعمل صواني البيتزا البسبوسه ونحط الفطيره فيه ونسيبها ترتاح 10 دقايق ونخبزها في فرن حامي لمده 15 دقيقه ..
وبعد ماتطلع من الفرن ندهنها سمن بلدي ونغطيها علشان تبقي طريه وجميله .
اكلات شهية ورائعه تسلم إيدك يارب وكل سنه وانت طيبه بمناسبة قرب حلول شهر رمضان المبارك اعاده الله عليكم بالخير واليمن والبركات .. ربي يحفظك ويسعدك
ردحذف