طريقه بسيطه لعمل بسكويت Tuk
بسكوت tuc المملح زي الجاهز
المقادير :-
- 2كوب دقيق
- بيضة
- 2معلقة كبيرة لبن بودرة
- ربع كوب زيت
- ربع كوب لبن
- معلقة كبيرةبيكينج بودر
- نص معلقة كبيرةملح
- 3معالق كبار زبدة طريه
الطريقة :-
في بوله
نحط الزبدة والزيت والملح ونقلبهم كويس جدا وننزل بالبيضة ونحضر الدقيق ونحط علية البيكينج بودر واللبن البودرة ونقلبة كويس وننزل على الخليط السابق ونقلب الخليط هيبقى مرمل او مفرول وده المطلوب وننزل باللبن بالتدريج لحد ماتصبح عجينة متامسكة ملساء ونسيبها ترتاح نص ساعه ونفردها بالنشابة رقيقه جدا ونقطعها مستطيلات ونخرمها بشوكة او خلة سنان عشان ماتنفش في الفرن ونرصها فى صينية مفروشة ورق زبدة و ندخلها التلاجه نص ساعه وبعدين تدخل فرن سخن 180 لمدة 10دقايق خدي بالك منه اول قعر البسكوتة تحمر اطفي الفرن وشغلي الشواية ولو عايزة تعمليه بالجبنة ابشري 5شرايح جبنة رومي مع العجينة وممكن تضيفي كمون اوحسب النكهه الي تفضليها
ولما يطلع من الفرن سيبيه يبرد خااالص وبعدين شيليه في علبة محكمة الغلق
وبالهنا والشفا
ليست هناك تعليقات