طريقه عمل البانيه السهله والسريعه

اسهل واسرع طريقه لعمل البانيه

المقادير...
1/2 كيلو فراخ بانيه
بصله مبشوره
عصير ليمونه
معلقتين خل
ربع معلقه توم بودر
ربع معلقه بصل بودر
ملح
فلفل اسود
حبهان
بقدونس مفروم
بقسماط ناعم
كوب دقيق
2 بيضه
***************************
الطريقه......
هنغسل البانيه كويس جدا بالميه الاول وبعدين ننقعه في ميه وخل وملح 5 دقايق
هنجهز التتبيله البانيه....
هنحط البصله المفرومه والتوابل بتاعتنا ..الملح والفلفل الأسود والتوم البودر والبصل البودر ومعلقتين بقدونس مفرومين وعصير الليمون....
هنحط البانيه في التتبيله بعد ما غسلناه من خليط النقع وصفناه من ميته
هنجهز 3 اطباق ...طبق للدقيق..طبق للبيض المخفوق بملح وفلفل ..وطبق للبقسماط
هنحط قطع البانيه الاول في الدقيق بعدين نحطهم في البيض بعدين عالبقسماط لحد ما نخلص  الكميه  كلها وناخدهم ونحطهم في التلاجه نص  ساعه
بعدين نقليهم في الزيت الساخن مده دقيتين عالوجهين ونطلعهم علي ورق مطبخ ونزين طبقنا بالبقدونس ونحط قطع البانيه عليهم ...
وبالهنا والشفا....