بطاطس محشيه باللحم المفروم

طريقة عمل البطاطس المحشيه باللحمه المفرومه

المقادير عمل البطاطس المحشيه باللحمه و الفرن :-

• كيلو بطاطس وسط
• نص كيلو لحم مفروم
• بصلتين
• ملح 
• فلفل اسود
• نص معلقه قرفه
• نص معلقه بهار مكعب مرق
• عصير طماطم
• كوبين مرق
• معلقتين سمن
• ومعلقتين زيت
• وزيت للتحمير

طريقه تحضير البطاطس المحشيه باللحم فى الفرن :-

• نقشر البطاطس ونقورها بالمقوار وبعدين نغسلها ونحمرها نص تحمير في الزيت.
• الخارج من تقوير البطاطس نحتفظ به نفرده في ارضيه الطاجن.
• وبعدين نجهز العصاج نضع في طاسه معلقتين سمن وزيت وننزل بالبصل مفروم ونحمره دهبي. 
• ننزل باللحم المفروم وبعدين الملح والفلفل والمكعب والقرفه والبهارونقلب تقلبتين لحد ميستوي.
• نطفي ولما يهدا نحشي البطاطس ونرصها في طاجن فوق الخارج.
• نرش عصير الطماطم والمرق اي نوع وندخلها الفرن ولما تتسبك كويس وتتشرب نولع الشوايه تاخد وش تحمير.
• الف هنا