طريقه عمل الجبنه الرومي بالمنزل
طريقه عمل الجبنة الرومى انضف وارخص كتير من اللي بنشتريها
#الجبنه_الرومي
مقادير الجبن الرومى
- كيلو لبن كامل الدسم
- علبة زبادى بلدى
- فلفل اسود حسب طلب
- ثلث كوب ماء مثلج
- ملعقة صغيرة ملح
- عدد 1 بطاطساية مسلوقة و مهروسة
- عدد 2 ملعقة قشطة
طريقه عمل الجبن الرومى
اول حاجة نحضر اللبن و نضعه على النار نغليه و بعد ما يغلى نحط الزبادى و نقلب جامد مرة يمين و مرة شمال بالعكس يعنى لمده خمس دقائق على النار ,و بعد كده نشيل الحله من على النار و نجيب المياه المثلجة و نحط عليها الفلفل و الملح و نقلب كويس قوى و بعد كده نضيفها على اللبن و الزبادى و نقلب جامد علشان مفيش حاجه تكلكع و بعدين نحط البطاطساية المهروسة و بعديها القشطه و نقلب و بعد كده نجيب شاش و نحطها فيه و نعصر جامد علشان المياه و المواد السايله و نتركها 12 ساعة و كل شويه نعصر و بعد 12 ساعه هنجيب شاش تانى نظيف و نحط فيه الجبنه هتكون مسكت عن الاول و نقفل عليها و نضع حاجه تقيله عليها و كل شويه عصر و كل شويه تغير الشاش لحد ما يكونش فيها سوائل و بالهنا و الشفا وبكده نكون قدمنا لكم طريقه عمل الجبن الرومى بسهوله.........
ليست هناك تعليقات