طريقه عمل القراقيش البسيطه بالعجوه او الملبن او ساده

طريقه عمل القراقيش الناعمه بالعجوه والساده

المقادير :-

• 1 كيلو دقيق
• 400جرام سمن
• 100 جرام زيت
• 1 ملعقة كبيرة شمر
• 1 معلقه ينسون
• 1 معلقه كبيره سكر
• رشه ملح
• كوب لبن حليب دافئ
• نصف كوب ميه  دافيه
• 2 ملعقة كبيرة سمسم
• 1 معلقه ونصف خميره خميرة فورية
• رشة فانيليا
• 1/4  عجوة أو ملبن للحشو حسب الرغبة

الطريقه :-

نخلط الدقيق مع الشمر والينسون و السمسم
بعد كدا نقدح السمن كويس ونخلي بالنا علسان متتحرقش وننزل بيها ع الدقيق  ونقلب بالملعقة الخشب  علشان نوزع فيه السمن بعد كدا  ننزل  بالزيت ونخلط بأيدينا ونبس الدقيق كويس مع السمن
بعد كدا ندوب الخميرة مع معلقه السكر واللبن الحليب والفانيليا ونسيبها تخمر  بعد ما تخمر نضيفها للعجين ونقلبها كويس جدا

ندوب الملح في جزء من كمية الماء الدافئ، نعجن مع إضافة بقية الماء بحرص حتى تتكون لدينا عجينة لا تلتصق باليد.

نغطي عجينة القراقيش بكيس نايلون  ونسيبها تخمر وترتاح نصف ساعة
نأخذ قطعة عجين، نفردها على شكل مستطيل ونفرد عليها قطعة ملبن أو عجوة، نلف القراقيش زي السويسرول ونقفلها كويس اوي

وممكن نعملها ساده هنفرد العجين وتقطعه بالسكينه او القطاعات حسب الرغبه

نرص القراقيش متباعدة في صينية الخبز ويفضل استعمال صواني البسبوسه ونسيبها تاني 45 دقيقة ونخبزها في فرن متوسط الحرارة  200 في وسط الفرن.
وبالف هنا .....

ملحوووظه :-

العجوه ممكن نسيحها عالنار مع معلقتين سمسم ومعلقتين سمن ونسيبها تبرد ونبدا نشكلها صوابع علشان تبقي سهله الاستعمال مع العجين